كيف انساكي

كيف انساكى... كيف

كيف انساكى وانتى اول من احببت

كيف انساكي وانتى عمرى كلة

انتى ملاكى وحياتى

انتى التى لا ارى غيرك

كيف أنساكي .... وحبك يخفق في قلب
بل يسري في دمي ... كيف أنساكي وأنتي
التي امتلكتي قلبي... فهل انسى قلبي؟؟
انتى نوري انتى حياتى انت الهواء الذي اتنفسة !

حبيبتى حبيبتى كيف انساكي !!!


كلام والا لون والا وزن والا قافية بس طلبت معايا اكتبة :(

حكاية قلب

حكاية قلب حب وملقاش الا جرح
مفيش ولا قلب حب ينسى حبيبو الفرح


دا الجرح لسة فى قلبى ومش قادر علية
سهران بيحسب عمرو والدمع نازف من عينية


مش عارف اذا كنت ظلمتك ولا انتى ظلمتينى لية
دا الجرح لسة فى قلبى وانا موش قادر علية


بقى هيا دى جزاتى تجرحى وتقتلى فيا
تكسرى قلبى وتمشى ومتسأليش فيا


لو كنت اعرف يوم انك هتزعلى كدا
مكنش قلبى اتحير واتعذب بالشكل دا


دلوقتى انا هنساكى وهنسى كل الى راح
ومش عايزك حاجة منك وخلينى ارتاح


كفاية جرحى الى منك وبجد انا ندمان
ندمان على الى كان بينا
عشان معدش امان

يويميات طالب حاسبات

بسم الله الرحمن الرحيم
يوميات طالب حاسبات

تعالوا كده نستعرض يوميات طالب في حاسبات ونشوف اية اللى بيجرا
في البداية تصحي الساعة 7 وعلى ما تتوضا وتصلي وطبعا مبتفطرش ولو بتفطر يبقي حاجة في السريع المتدهولوتلبس وتروح الموقف وتركب المهم توصل الكلية على 9 وكل ده علشان تحضر محاضرة للدكتور .....أو .....وواحتمال كمان متلحقش وميدخلكش مش المشكلة اصلا انك متدخلش المشكلة انها .... والا بلاش


ما حلينا

المهم تروح هناك تكمل نومك

وطبعا مبتفهمش حاجة وبعديها بقي تطلع على سيكشن وتتعصر دماغك فية وطبعا مبتفهمش حاجة لانة سيكشن .......ا

المهم تطلع من السيكشن تدخل على محاضرة بقي اخر دلع دكتور ...... وطبعا بقي صبح تاتة 2 × 3 وهتتظبط يعنى هتتظبط

المهم تروح وعلى ما توصل بقي وتظبط نفسك تكون الساعة 8 والا حاجة طبعا مش هتذاكر هتعيش شوية مع نفسك ع النت وكده ولو
هتتهبب شوية قصدي تذاكر شوية

وفي الاخر تنام وتصحي تكرر نفس الحلقة الخنيقة جدا


ومن هنا طبعا لينا ملاحظات
بالنسبة للصحيان والمواعيد

ما احساسك عندما تتصل بصديق في تجارة وتجده نائم وانت لا


بالنسبة بقي للمواعيد

ما احساسك عندما عندما تعلم ان لديك محاضرة الساعة 9 صباحا و جميع الكليات حولك تبدا محاضراتها الساعة 10 او 11

اما بالنسبة للمحاضرات ال3 ساعات والسكاشن بقي

فما احساسك عندما تستيقظ كل يوم و تعلم ان لديك مجموعه من السكاشن و المحاضرات و غيرك بياخد 3 ايام اجازة فى الاسبوع غير
الجمعة و العطلات الرسمية
وياريت بعد كل ده الواحد نافع لا

ندخل بقي ف لشعور الطيب


انت بتدرس و صاحبك اللى ف تجارة خلاص وبيشتغل بكورس كمبيوتر


... انت فى الجيش و صاحبك بتاع اداب بيتجوز


انت بتبدا حياتك و صاحبك بتاع خدمة اجتماعية اتجوز و خلف 3 عيال و سافر برة يشتغل و رجع بعد طول

اية احساسك لما متلاقيش في كليتك كافتريا عدلة


اية احساسك لما متلاقيش فى كليتك مسجد تصلي فية


وفي النهاية هذه سنة الحياة

وملحوظة هامة جميع الاراء من وحى الكاتب ولا تعبر عن اى اى اى شئ من الحقيقة

وربنا يستر
تحياتى معطى